Kandidati për kryeministër nga radhët e Partisë Demokratike të Kosovës (PDK), Bedri Hamza ka bërë të ditur se ka nisur ndërtimi i një çerdheje në rrugën “Mbretëresha Teutë”.

Me anë të një postimi në Facebook, ai tha se ky është një investim komplet i Komunës në Mitrovicë, shkruan Arbresh.info.

“Kujdesi i duhur ndaj fëmijëve në periudhën e fëmijërisë së hershme, para uljes së tyre në bankat shkollore, është shumë i rëndësishëm për të ardhmen e tyre. Me rritjen e këtij kujdesi në institucionet publike, ne krijojmë mundësi që nënat e reja të përfshihen më shpejt në tregun e punës.”, ka shkruar ai.

Ai tha se ky premtim i tij po jetësohet duke shtuar se nuk bën asnjëherë premtime që nuk mund t’i realizojë!

“Edhe premtimi im për çerdhet, sikur çdo premtim tjetër, po jetësohet. Unë nuk bëj asnjëherë premtime që nuk mund t’i realizojë!”, ka shkruar Hamza./Arbresh.info/